ХАМТДАА 100 ЖИЛ" ОНЛАЙН НАЙРАМДЛЫН БУУХИА УУЛЗАЛТ БОЛЛОО.

2021-05-04 04:20:41

Монгол улс, Оросын Холбооны Улсын хооронд дипломат харилцаа тогтоосны 100 жилийн ойн хүрээнд “Монгол-Орос” найрамдлын нийгэмлэг, Оросын соёл, шинжлэх ухааны төвөөс хамтран " “Хамтдаа 100 жил" онлайн найрамдлын буухиа уулзалтыг өнөөдөр ОХУ-ын БНАлтай улсын Горно-Алтайск, БНТува улсын Кызыл хоттой зохион байгуулж Монгол улсын баруун хязгаар Увс, Баян- Өлгий, Ховд аймгууд оролцлоо. Энэхүү найрамдлын цахим буухианы гол зорилго нь хамтран ажилладаг Оросын түнш байгууллагуудтай харилцах нээлттэй-талбарыг ажиллуулж, Монгол-Оросын найрамдал, хамтын ажиллагааг бэхжүүлэх явдал юм. Энэ удаагийн онлайн найрамдлын буухиаг нээж Монгол улсын баатар, ОХУ-ын баатар, сансрын нисгэгч, Монгол-Орос найрамдлын нийгэмлэгийн тэргүүн Ж. Гүррагчаа, Кызыл хотноо суугаа ерөнхий консул Ч. Ганболд үг хэлсэн бөгөөд цахим буухиад зориулж ОХУ-ын БНАлтай улсын Засгийн газрын Тэргүүний орлогч, Тува улсын Засгийн газрын тэргүүний нэгдүгээр орлогч А. В.Брокерт, Баян- Өлгий аймгийн Засаг дарга Д. Бауыржан, Ховд аймгийн Засаг дарга Б.Дүгэржав, Увс аймгийн Засаг дарга Ч.ЧИМЭД нар үг хэллээ. Мөн Орос болон Монгол улсын төр нийгмийн зүтгэлтнүүд, их дээд сургууль, урлагийн салбарын төлөөллүүд оролцлоо.